38年同学聚会发言稿

　　敬爱的老师，亲爱的同学们：

　　大家好！

　　首先，同大家讲声不好意思，其实，呢次聚会应该早就组织的了，早系两年前，就有几位同学向我提议组织我地班同学聚一聚啦，但当时我觉得我地初中嘅同学好多都无联系了，而且佢地又有自己嘅高中同学、大学同学及社会上的朋友，对初中同学聚会可能都无什么兴趣的了，所以对组织同学聚会无嘧信心，估计唔会有几多个同学响应，所以一直拖到了现在。

　　点知，我地今次第一次组织就得到咗咁多同学热情响应，呢个系我地好多同学都想不到的，我地通过成立个微信群（群主就是刘小敏），同学之间你拉我、我拉佢咁，将相互之间有联系嘅同学拉入呢个群，好快就达到60几个，喺度强调一下，我地一班噶同学，喺指凡喺初中期间在一班呆过噶同学，都在邀请之列，譬如帅哥史永良 ?

　　所以，我地今次噶聚会群众基础好广，好多同学加入咗呢个群之后稳翻“失散咗”二十几年嘅同学，都觉得好兴奋，譬如程燕霞同学，佢被拉入呢个群之后，佢好有感触咁讲“我以为今世都唔再会同以前初中呢班同学有任何交集，如果唔系今次聚会，可能永远都见唔返呢班同学啦”。我地蒋海涛同学，为咗搵返梁图红同学，竟然想到用百度嘅方法去搜索，又竟然被佢搜索到喔，你话神唔神奇啊。我地好多系外地工作嘅同学譬如菜头建东、肖文良等等同学，早早就已经明确表示几忙都要抽时间返来参加聚会，远喺武汉噶陈璁同学跨过半个中国返到罗定，亦都系专登为咗参加我地呢次聚会，真系来也匆匆，去也匆匆，所以，好多谢甘多位同学嘅热情参与，令到呢次聚会可以成功举行，特别多谢小敏、梁秘广仲同学所付出噶努力，广仲同学系我地呢个群入边可以话喺起到咗中流砥柱噶作用，佢喺群度异常活跃，文采飞扬，带动咗整个群噶同学都积极互动，使到我地呢个群嘅同学更加有凝聚力。同时，亦都表明咗同学们对24年前嘅同学之情都真系好怀念、好难舍嘅。同时也要多谢我地陈老师、谢老师喺百忙之中抽时间来参与呢次聚会……正所谓一日为师，终生为师，所以，我地等阵每人敬一杯老师，好无？

　　见返呢班老同学，我都好有感慨， 24年真系过得好快，弹指一挥间，之前好多同学喺我嘅记忆中都仲喺停留喺初中果时噶印象，但系依家好多同学都变化好大，以前细细粒嘅小星星变成咗依家噶大猩猩、以前噶丑小鸭变成咗依家噶大美女，好似边个边个咁……， ?我地好多同学都事业有成，家庭幸福，好似敏健同学咁，个女都已经出来工作了，可以享福了，几令人羡慕啊。

　　见返咁多老同学，以前初中读书时候噶好多景象都仲喺历历在目，我好记得系初一时上体育课，系列队时招伟锋搞小动作，体育老师大声咁喊“底裤，你同我出黎。”竟然老师都叫他花名了。猪肉佬的花名的来历……..花名成为咗佢地噶标签了，同时呢另到佢地喺同学们噶心目中就更加难忘了。

　　相逢是短暂的，友谊是永恒的，祝所有的同学工作顺利，事业有成！祝老师在今后的日子里，年年平安、岁岁如意！